Matthias Grossglauser

Professer extraordinari

School of Computer and Communication Sciences
EPFL (Scola politecnica federala Losanna)
BC-200 (BC Building)
Station 14
CH-1015 Losanna

matthias.grossglauser@epfl.ch


Commember da la ComCom dapi l’onn 2020


Matthias Grossglauser ha studegià Electrical Engineering e Communication Systems a la EPFL ed ha obtegnì in titel da docter en Computer Science da l’Université Pierre et Marie Curie (UPMC) en Frantscha. El è stà scienzià al laboratori da retschertga dad AT&T, in dals furniturs da servetschs da telecommunicaziun pli impurtants dals Stadis Unids. L’onn 2003 è el vegnì elegì sco professer assistent a la School of Computer and Communication Sciences da la EPFL. Da l’onn 2007 fin l’onn 2010 ha el manà l’Internet Laboratory of Nokia Research Center a Helsinki en Finlanda. L’onn 2011 è el turnà a la EPFL sco professer extraordinari, nua ch’el co-dirigia actualmain l’Information and Network Dynamics laboratory. Da l’onn 2016 fin l’onn 2019 è el stà activ sco directur dal program da doctorat en Computer and Communication Sciences a la EPFL. El è sta professer ospitant a la University of California a Berkeley ed a la Stanford University. L’onn 1998 è el vegnì undrà cun il Cor Baayen Award dal European Research Consortium for Informatics and Mathematics (ERCIM) e l’onn 2006 cun il CoNEXT/SIGCOMM Rising Star Award.

El ha contribuì fundamentalmain a la perscrutaziun en la domena dal networking cun novas metodas per la mesiraziun e per la gestiun dal traffic d’internet (intginas da quellas èn vegnidas standardisadas da la Internet Engineering Task Force (IETF)) sco er cun metodas per il routing e per l’allocaziun da resursas en raits per telefonia mobila da gronda surfatscha. Ils ultims onns è el sa focussà sin l’analitica da datas cun applicaziuns en la protecziun da datas, en la mobilitad, en la votaziun ed en las raits socialas.

Studis
1994 Engineering Diploma in Communication Systems, EPFL Losanna
1994 Master of Science in Electrical Engineering, Georgia Institute of Technology (Atlanta, USA)
1998 Docter en Computer Science, Université Pierre et Marie Curie (Paris, Frantscha)

Commembranzas
Institute of Electrical and Electronics Engineers (IEEE)
Association for Computing Machinery (ACM)
European Laboratory for Learning and Intelligent Systems (ELLIS)

Ultima midada 17.01.2020

Tar il cumenzament da la pagina

https://www.comcom.admin.ch/content/comcom/rm/start/la-cumissiun/organisaziun/commembers/matthias-grossglauser.html