Publitgà sin il 15 matg 2019
Dumondas frequentas (FAQ)
La ComCom prenda las decisiuns e relascha las disposiziuns che cumpetan ad ella tenor la lescha da telecommunicaziun e sias disposiziuns executivas. Ella è obligada a la transparenza ed orientescha la publicitad davart sia activitad. Ella suttametta al cussegl federal annualmain in rapport davart sia activitad (art. 57 al. 1 LTC).
Il president u la presidenta convochescha a las sesidas tenor basegn u sin proposta d'in commember da la cumissiun. La ComCom po er prender sias decisiuns sin via da circulaziun (cump. reglament da fatschenta da la ComCom, art. 11 e 12).
L'UFCOM prepara las fatschentas da la ComCom, fa propostas ad ella ed exequescha sias decisiuns. El po discutar dumondas impurtantas cun la cumissiun u cun il presidi gia ordavant ed independentamain d'ina proposta (cump. reglament da fatschenta da la ComCom, art. 8).
Tar proceduras d'interconnecziun è l'UFCOM l'autoritad d'instrucziun, q.v.d. el exequescha las proceduras e suttametta alur a la ComCom propostas per la decisiun.«Ils custs da la cumissiun vegnan cuvrids cun las taxas administrativas» (art. 56 al. 4 LTC). Tenor l'ordinaziun davart las taxas sin il sectur da telecommunicaziun incassescha l'uffizi federal tant las taxas administrativas sco era las taxas da concessiun (art. 2 OTT).
Tar l'execuziun dal dretg da telecommunicaziun è la ComCom bain autoritad da concessiun, ma ella po consultar l'uffizi federal e dar directivas a quel (art. 57 al. 2 LTC). Ella po er surdar a l'uffizi federal singulas incumbensas permanentas (art.5 al.2 LTC); quellas èn dal rest fixadas en l'ordinaziun da la ComCom concernent la lescha da telecommunicaziun.
L'UFCOM prepara las fatschentas da la ComCom, fa ad ella propostas pertutgant las ulteriuras tractativas da las fatschentas ed exequescha sias decisiuns.
L'UFCOM è uschia l'organ d'examinaziun e d'execuziun per la regulaziun dal martgà sin il sectur da la telecommunicaziun.
La ComCom ha surdà a l'UFCOM la cumpetenza da dar concessiuns per servetschs da telecommunicaziun che n'èn betg l'object d'ina publicaziun (Rait fixa) e da concessiuns da radiofonia che n'èn betg previsas per prestar servetschs da telecommunicaziun (radiofonia d'amaturs u da manaschis).
In pensum da la ComCom resta dentant il dar concessiuns per il provediment fundamental sco er concessiuns per il telefon mobil e per auters servetschs da radiofonia, per ils quals ina publicaziun è necessaria. La ComCom è ultra da quai organ d'intermediaziun en dispitas d'interconnecziun. Finalmain approva ella ils plans da numeraziun ed ils plans concernent l'attribuziun da frequenzas e fixescha las reglas per la portabilitad da numers e per la tscherna libra da las offeridras da servetschs (cump. reglament da fatschenta da la ComCom, art. 4).Tenor in model applitgà en ils blers pajais da l'Europa è la ComCom vegnida fundada sco instanza independenta per surpigliar la rolla dal regulatur sin il martgà liberalisà da la telecommunicaziun, sco quel exista en la Svizra dapi il 1. da schaner 1998.
Essend che la confederaziun, sco acziunaria da maioritad da l'interpresa Swisscom -anteriura monopolista - na duess betg esser a medem temp derschadra e partida, ha il legislatur creà in'autoritad independenta per quest pensum, numnadamain la ComCom.L'independenza da la ComCom è francada en la lescha da telecommunicaziun (art. 56 al. 2 LTC):
«La cumissiun n'è concernent sias decisiuns betg suttamessa a directivas dal cussegl federal e dals departaments. Ella è independenta da las autoritads administrativas. Ella dispona d'in agen secretariat».
Questa independenza da la ComCom da la regenza e da l'administraziun na vul dentant betg dir ch'ella haja maun liber d'agir, la ComCom agescha adina sin basa da la lescha da telecommunicaziun. Directiva per ella è surtut l'intent da la lescha: La finamira surordinada da la lescha da communicaziun è in provediment cumplessiv da las abitantas e dals abitants, da l'economia e da l'administraziun cun servetschs da telecommunicaziun multifars, favuraivels, d'auta qualitad sco er abels da concurrer sin il plaun naziunal ed internaziunal. Ultra dal provediment fundamental cun servetschs da telecommunicaziun garantids ozendi per tuts circuls da la populaziun en tuttas parts dal pajais duai questa finamira vegnir realisada cun stabilir ina concurrenza efficazia (art. 1 LTC).Dapi la liberalisaziun dal martgà da telecommunicaziun da 1998 e da las midadas correspundentas dal dretg da telecommunicaziun sa basan las relaziuns tranter las offeridras da servetschs da telecommunicaziun e lur clientella sin relaziuns da dretg privat. La basa da questa relaziun da dretg furma il contract fatg tranter las parts. Dispitas che naschan ordlonder sco p. ex. quints da telefon dispitaivels èn per quest motiv da reglar da princip da las parts dal contract u eventualmain da laschar decider d'ina dretgira civila. La branscha da telecommunicaziun ha stgaffì il matg 2005 in post da mediaziun (ombudscom) per recurs en connex cun ils servetschs da telecommunicaziun.
L'UFCOM è concernent il dretg da telecommunicaziun l'autoritad da surveglianza sur las offeridras da servetschs da telecommunicaziun che vegnan prestads en Svizra.
El surveglia, basond sin la lescha, che las concessiunarias e las offeridras da telecommunicaziun annunziadas observian il dretg da telecommunicaziun naziunal ed internaziunal, las decisiuns en vigur sco er - en cas da las concessiunarias - las concessiuns (cump. art. 52, 53, 58 e 60 da la lescha da telecommunicaziun [LTC]. Sche l'uffizi federal constatescha ina violaziun dal dretg applitgabel, po el proponer mesiras a la ComCom resp. - nua che l'UFCOM è autoritad da concessiun - ordinar sez talas.Las mesiras tanschan da la dismessa da la mancanza constatada, da la privaziun da las entradas realisadas cunter dretg, da la modificaziun da la concessisun fin a la retratga da la concessiun (art. 58 al. 2 LTC). En cas da cuntravenziuns encunter la concessiun u decisiuns en vigur che han in gudogn per consequenza, po l'offeridra culpabla dal servetsch da telecommunicaziun vegnir punida cun ina multa fin al traidubel import da quest gudogn. En cass ch'igl n'è betg pussaivel da constatar u calcular in gudogn, vegn la multa fixada sin fin 10% da la svieuta dal davos onn da l'offeridra correspundenta da servetschs da telecommunicaziun en Svizra (art.60 LTC).
En cas da surpassaments u da cuntravenziuns d'urden tenor art. 52 e 53 LTC po l'UFCOM relaschar multas da fin 100'000.La ComCom è ina cumissiun extraparlamentara independenta ch'è vegnida creada tras la lescha da telecommunicaziun (LTC) dals 30 d'avrigl 1997 sco autoritad da concessiun ed organ per regular il martgà sin il sectur dals fatgs da telecommunicaziun.
Tar sias cumpetenzas essenzialas appartegnan il dar las concessiuns a las offeridras da servetschs da telecommunicaziun, las concessiuns per il diever dil spectrum da las frequenzas da radiofonia sco er da la concessiun dal provediment fundamental, decider davart las cundiziuns d'interconnecziun, l'approvaziun dal plan naziunal davart l'attribuziun da las frequenzas ed ils plans naziunals da numeraziun, sco er la regulaziun da las modalitads per las portabilitads dals numers e la tscherna libra da l'offeridra dals servetschs.
Intgins da ses pensums ha la ComCom dentant surdà cun sia ordinaziun dals 17-11-97 davart la lescha da communicaziun l'uffizi federal per communicaziun (UFCOM) (er vesair il reglament da fatschenta da la cumissiun da communicaziun sco er il punct "Co èn repartidas las incumbensas tranter ComCom e UFCOM?").
«ll cussegl federal tscherna ina cumissiun da communicaziun federala da tschintg fin set commembers; el numna la presidenta u il president e la vicepresidenta u il vicepresident. Ils commembers ston esser experts independents» (art. 56 al. 1 LTC).
Ils commembers vegnan per regla elegids per ina perioda d'uffizi da 4 onns ed èn reelegibels.
Dapli infurmaziuns
Per dapli infurmaziuns sin la lescha da telecommunicaziun, las ordinaziuns ed il reglament da la cumissiun da communicaziun, versair il tudestg, frances u talian.