Jean-Pierre Hubaux

professer
SPF Losanna

Laboratory for Computer Communications and Applications (LCA)
SPFL (scola politecnica federala Losanna)
BC 207 (BC Building)
Station 14
CH – 1015 Losanna
jean-pierre.hubaux@epfl.ch


Commember da la ComCom dapi l’onn 2007


Jean-Pierre Hubaux è naschì en Belgia, ha dentant passentà la gronda part da si’uffanza e da sia giuventetgna en l'Italia dal nord. Suenter il studi da las scienzas d'electroinschigner al Politecnico a Milaun ha el lavurà diesch onns en Frantscha tar Alcatel.

Jean-Pierre Hubaux è professer ordinari a la SPF.

Cun si’activitad da perscrutaziun gida Jean-Pierre Hubaux a stgaffir las basas ed a sviluppar ils instruments ch’èn indispensabels per proteger la sfera privata en il mund ordvart globalisà d’ozendi. El ha prestà lavur da pionier en ils champs da la sfera privata a da la segirezza da las raits mobilas e radiofonicas sco er en il champ da Genomics. El maina l’Institut per Communication Systems da la SPFL Losanna.

El maina il project Data Protection in Personalized Health (DPPH) che vegn sustegnì da la SPF. El è docent ospitant al IBM T.J. Watson Research Center ed a la UC Berkeley.

Ultra da quai è el Fellow da l’Association for Computing Machiery (ACM) e dal Institute of Electrical and Electronics Engineers (IEEE). El è in dals perscrutaders citads il pli savens en il champ da la protecziun da la sfera privata e da la segirezza d’infurmaziuns. Dacurt è el vegnì nominà sco directur academic dal Center for Digital Trust (C4DT) da la SPFL.

Hubaux è er vegnì elegì sco commember da la gruppa d’experts «L’avegnir da l’elavuraziun da datas e da la segirezza da datas» ch’è vegnida stgaffida da la Confederaziun. Durant blers onns è el stà commember dal Scientific Advisory Boards (SAB) dals Deutsche Telekom Laboratories e dals DocoMo EuroLabs.

https://www.comcom.admin.ch/content/comcom/rm/start/la-cumissiun/organisaziun/commembers/jean-pierre-hubaux.html