Adrienne Corboud Fumagalli

Vicepresidenta da la ComCom

Doctoressa en scienzas d'economia e socialas
Presidenta dal cussegl administrativ e CEO da Deeption SA

adrienne.corboud@deeption.com


Commembra da la ComCom dapi l’onn 2012, vicepresidenta dapi l'onn 2018


Adrienne Corboud Fumagalli, naschida ils 10 da december 1958 (a Friburg, Svizra), è doctoressa en scienzas d'economia e socialas sco er absolventa da l'Universitad da Friburg.

Adrienne Corboud Fumagalli è stada plirs onns perscrutadra, professuressa e cussegliadra en il sectur da la politica da medias e da la tecnologia d'infurmaziun en differentas instituziuns (Universitad da Friburg, DAMS Bologna, CNRS Paris, McGill University Montreal).

L'onn 1996 è ella entrada en la direcziun da Radiocom (radio, TV, mobile) da la PTT sco responsabla per il New Business Development e per fatgs internaziunals. Cur che la PTT è daventada la Swisscom ha ella occupà dals onns 1997 fin 2000 differentas funcziuns entaifer la Swisscom, en spezial per sviluppar las activitads da multimedia, daventond manadra dal marketing da products en il sectur dals servetschs da radio.

Il november 2000 è ella entrada en la gruppa Kudelski sco secretaria generala. Il schaner 2004 è ella vegnida nominada sco vicedirectura generala e sco responsabla per il svilup dals affars. En il rom da projects da svilup interns ha ella lantschà e manà a partir da l'onn 2005 l'activitad dal MobileTV, alura il «start-up» Abilis.

Da l’onn 2008 fin l’onn 2016 è ella stada vicepresidenta per valurisaziun ed innovaziun a la Scola politecnica federala Losanna (SPFL) cun in accent spezial sin il svilup dal parc d'innovaziun e sin partenadis industrials. Durant quest temp è ella er stada presidenta da la Fundaziun SPFL Innovation Park.

Da l'onn 2008 fin l’onn 2017 è ella stada presidenta da la Fundaziun per innovaziun tecnologica a Losanna (FIT).

Adrienne Corboud Fumagalli è commembra dal cussegl administrativ da la Swiss Life Group.

https://www.comcom.admin.ch/content/comcom/rm/start/la-cumissiun/organisaziun/commembers/adrienne-corboud-fumagalli.html