Marktgasse 9
CH-3003 BERNA
Tel. +41 31 323 52 90
Fax +41 31 323 52 91

Uschia aus chattais vus

a pe davent da la staziun:

Bandunai la staziun da la sortida principala (stgala en la halla centrala da la staziun), giai per lung da la baselgia Heiliggeist e a sanestra en la Spitalgasse. Suandai la Spitalgasse fin a la plazza Bären, passai sperasvia il Käfigturm ed a dretg ora en la Marktgasse. Il numer 9 sa chatta quasi a l’autra fin da la Marktgasse da la vart dretga, mo paucs meters distant dal Zytgloggeturm.

cun l’auto:

dal nord (Bienna, Soloturn, Basilea, Turitg) e
dal sid (Muri, Thun, Interlaken) sin la autostrada (A1/A6)

Questa via d’access vegn recumandada er a quellas persunas ch’arrivan nà dal vest. Noss biros sa chattan mo 150 meters distants dal parcadi Casino.

Pigliai la sortida d’autostrada Bern-Ostring (A6) e suandai ils mussavias en direcziun Center per lung da l’Ostring e da la Thunstrasse. Al Thunplatz pigliais Vus mez a dretga la Jungfraustrasse e silsuenter la Marienstrasse fin a la plazza Helvetia. Traversai a dretga la Kirchenfeldbrücke. Sin la plazza Casino proseguis Vus a sanestra en direcziun dal Bundesplatz, suenter intgins meters girais Vus a sanestra en il Münzgraben. L’entrada al parcadi Casino sa chatta a dretg or a la Kochergasse (a sanestra sper l’hotel Bellevue).

dal vest
(Neuchâtel, Bienna, Friburg, Losanna, Genevra) sin l’autostrada (A1/A12)

Pigliai la sortida da l’autostrada Bern-Forsthaus (A1) e suandai la Murtenstrasse (direcziun staziun) e silsuenter la Laupenstrasse. As volvai a sanestra en la Schanzenstrasse. L’entrada al parcadi da la staziun sa chatta da la vart dretga da la via. Attenziun: parcai en il parcadi e betg sin la terrassa da parcar ch’è destinada per ils viagiaturs da tren (mo zona blaua).
Prendai l’ascensur en la staziun e suandai lura la senda per peduns (vesair sura).